FRED RUTTEN TA REPLASÁ DICK ADVOCAAT KU TA STÒP DI INMEDIATO KOMO DIREKTOR TÉKNIKO DI NOS EKIPO NASHONAL KU TA PARTISIPÁ NA MUNDIAL 2026
FRED RUTTEN TA REPLASÁ DICK ADVOCAAT KU TA STÒP DI INMEDIATO KOMO DIREKTOR TÉKNIKO DI NOS EKIPO NASHONAL KU TA PARTISIPÁ NA MUNDIAL 2026
Willemstad – Dick Advocaat a stòp di inmediato komo Direktor Tékniko di nos selekshon nashonal di futbòl. E entrenadó di Den Haag a logra sorprendé hopi hende, dor di e klasifikashon pa e próksimo Kampeonato Mundial na Merka. Advocaat, di 78 aña di edat, ke duna su atenshon kompleto na su yu muhé ku ta enfrentando problema di salú. Fred Rutten (63) ta bira su susesor.
“Semper mi a bisa ku famia ta bai promé ku futbòl,” asina Advocaat a deklará. “P’esei esaki ta un desishon natural. Pero esaki no ta kita ku mi ta stima Kòrsou, su pueblo i miembronan di nos ekipo hopi. Mi ta konsiderá e kualifikashon di e pais mas chikí den FIFA pa Mundial komo un di e puntonan haltu di mi karera. Mi ta orguyoso di mi hungadónan, staf i miembronan di direktiva ku a kere den nos,” asina Dick Advocaat a suprayá.
Segun e desishon di Advocaat, su asistente i hòmber di konfiansa Cor Pot tambe a disidí di stòp. Dòkter di e tim, Casper van Eijck, tambe ta stòp pa por asistí famia Advocaat den e periodo akí na Hulanda.
Gilbert Martina, presidente di FFK, Federashon di Futbòl di Kòrsou, tabata profundamente konmoví na momento ku Dick Advocaat a partisipá su desishon. “Nos por solamente respetá su desishon. Dick a skibi historia ku nos selekshon nashonal. Kòrsou lo keda eternamente gradesido na dje.” Advocaat a kuminsá na fin di 2024 ku Tim Kòrsou, e Blue Wave i promé a klasifiká pa e prestigioso Gold Cup 2025 na Merka i despues pa Mundial. Despues di e klasifikashon ei, Kòrsou a selebrá durante vários dia.
Advocaat lo no ta presente na e partidonan amistoso na mart kontra Australia i China, ni tampoko na final di mei kontra Escosia, tampoko durante e partido di despedida na Kòrsou riba 6 di yüni. FFK ainda ta den kòmbersashon ku diferente pais di Concacaf i Conmebol komo posibel oponente pa e partido di despedida na kas.
Fred Rutten ta bira susesor di Dick Advocaat. Señor Rutten, kende a traha komo entrenadó na Hulanda pa entre otro FC Twente, PSV i Feyenoord, a anunsiá mesora su disposishon pa tuma e puesto asina ku el a tende ku Advocaat ta stòp: “Dick ta un íkono den mundu di futbòl. Ta realmente un honor pa kontinua ku su trabou. Mi a papia ku Dick i su staf i lo mi sigui den su liña. Ta tristu pa Dick, pero Kòrsou por konta riba e mesun kompromiso di mi parti.”
Gilbert Martina, presidente di FFK, ta kontentu ku yegada di Rutten: “Den e sirkunstansia aktual, esaki ta un solushon rápido i bon. Dick mes a pasa e batuta na Fred. Pronto Fred Rutten lo hasi su staf konosí.”
FRED RUTTEN VERVANGT DICK ADVOCAAT, DIE PER DIRECT STOPT BIJ WK-DEELNEMER CURAÇAO
Willemstad- Dick Advocaat stopt met onmiddellijke ingang als bondscoach van de nationale voetbalploeg van Curaçao. De Hagenaar plaatste zich tot veler verrassing recentelijk voor het komende Wereldkampioenschap in Amerika. De 78-jarige Advocaat wil zijn volledige aandacht geven aan zijn dochter, die kampt met gezondheidsproblemen. Fred Rutten (63) is met onmiddellijke ingang de opvolger van Dick Advocaat.
“Ik heb altijd gezegd dat familie boven voetbal gaat,” aldus Advocaat, ,,dus dit is een vanzelfsprekende beslissing. Maar dat neemt natuurlijk niet weg dat ik Curaçao, de mensen daar en mijn collega’s heel erg ga missen. Ik beschouw de kwalificatie van het kleinste FIFA-land ter wereld voor het WK als een van de hoogtepunten van mijn loopbaan. Ik ben trots op mijn spelers en staf en de bestuursleden die in ons geloofden’’ zegt Dick Advocaat.
Naar aanleiding van Advocaats besluit heeft ook rechterhand en vertrouwensman Cor Pot besloten te stoppen. Teamarts Casper van Eijck stopt ook om de familie Advocaat de komende periode in Nederland bij te staan.
Gilbert Martina, voorzitter van de FFK, de voetbalbond van Curaçao, was diep geraakt toen Dick Advocaat zijn beslissing kenbaar maakte. “Zijn besluit valt alleen maar te respecteren. Dick heeft historie geschreven met de nationale voetbalploeg. Curaçao zal Dick altijd dankbaar blijven.” Advocaat begon in de zomer van 2024 met Team Curaçao, the Blue Wave, en plaatste zich eerst voor de prestigieuze Gold Cup 2025 in Amerika en daarna voor het Wereldkampioenschap. Na die kwalificatie vierde Curaçao dagenlang feest.
Advocaat ontbreekt dus ook de komende oefenwedstrijden van Curaçao in maart tegen Australië en China en eind mei in Schotland en de uitzwaaiwedstrijd op Curaçao op 6 juni. De voetbalbond FFK is nog in gesprek met verschillende landen van Concacaf en Conmebol als mogelijke tegenstanders voor de uitzwaaiwedstrijd thuis.
Fred Rutten is met onmiddellijke ingang de opvolger van Dick Advocaat. Rutten, die onder meer in Nederland trainer was van FC Twente, PSV en Feyenoord, verklaarde zich direct bereid bij te springen toen hij van het stoppen van Advocaat hoorde: “Dick is een icoon in de voetbalwereld. Het is oprecht een eer om zijn werk voort te zetten. Ik heb met Dick en zijn staf gesproken en ga in zijn lijn door. Het is treurig voor Dick, maar Curaçao kan van mij dezelfde inzet verwachten’’.
Gilbert Martina, voorzitter van de voetbalbond van Curaçao (FFK) is tevreden met de komst van Rutten: “Gezien de omstandigheden is dit een snelle en goede oplossing. Dick heeft het stokje zelf aan Fred overgedaan. Fred Rutten zal zijn staf op korte termijn bekend maken’’.
