Nos Miss Teenage, Thalina Gil ta halando hopi atenshon na Nicaragua

Nos Miss Teenage, Thalina Gil ta halando hopi atenshon na Nicaragua

 

Willemstad- Teen Universe International ta halando hopi atenshon di missiologona Internashonal. Nos ta risibiendo masha hopi bon reakshon pa e representashon di Thalina Gil i a tuma nota ku Thalina ta den mayoria di e missiologonan Internashonal su lista. 

 

E organisashon di Teen Universe International te ku awor ta lusiendo ku un tremendo organisashon i tambe laga e partisipantenan konosé diferente sitio di Nicaragua. A bishitá Isla Granados kaminda por a mira e volcan i a bai un tour den lanchana turístiko pa konosé e kultura i naturalesa. 

 

Loke a hala hopi atenshon ta e seremonia kaminda a hasi entrega na kada partisipante e sash ofisial di nan pais den un evento di gala. 

 

Siguiente dia tabatin otro sena di gala. E biaha aki e tabata vena de naciones kaminda a invita consulado di e diferente paisnan ku ta partisipante i tin un consulado na Nicaragua. 

 

Teen universe International sigur ta konfirmá dikon nan ta e mihó sertamen di beyesa di hóben Internashonal ku produkshonnan haltu ku por sigui via nan plataformanan sosial. 

 

Awor ta sigui ensayonan pa e Nicaragua Fashion Show kaminda partispantenan lo desfila traje di diseñador nan. Kòmbersashon ku hurado lo ta mayan ku Dios ke kaminda Thalina tin oportunidat pa konta di Kòrsou i di su mes. Tambe e show preliminar i e gran show final ku lo keda transmití LIVE djadumingo awor pa 8or di anochi via e kanal di youtube di Teen Universe International. 

 

QMQ organization ke gradesÍ pa tur e apoyo i sósten na Thalina Gil i e tremendo trabou ku e ta hasiendo.