Parlamento di Kòrsou Kontinuashon di Reunion Públiko di Parlamento di Kòrsou tokante “Ontwerplandsverordening houdende vaststelling van de Jaarrekening van Curaçao voor het dienstjaar 2019”.

Djabièrnè, 27 di febrüari 2026, Parlamento di Kòrsou a kontinuá ku e reunion públiko ku a keda di skòrs djamars, 17 di yüni 2025.

E reunion a trata e punto di agènda “Ontwerplandsverordening houdende vaststelling van de Jaarrekening van Curaçao voor het dienstjaar 2019 (Zittingsjaar 2021-2022-202)”. Presidente di Parlamento, sr. Fergino Brownbill, a duna oportunidat na Minister di Finansa, sr. Charles Cooper, pa kontestá e preguntanan ku a wòrdu hasi dor di Miembronan di Parlamento den e promé tanda.

Seguidamente, a kontinuá ku e di dos tanda, kaminda Miembronan di Parlamento a haña oportunidat pa hasi preguntanan i duna remarkenan relashoná ku e tópiko.

Minister Cooper a kontestá e pregunta i remarkenan ku a keda hasí den e di dos tanda.

Na final di e kontestanan, Miembronan di Parlamento a aprobá e proyekto di lei ku votonan general.

Presidente di Parlamento, sr. Fergino Brownbill, a sera e reunion.