Minister Sithree “Cey” van Heydoorn [Orguyo Nashonal] Ayera tabatin un momento di hopi orguyo durante e homenahe na nos Reina Hispano-Américana, Kimberly de Boer.

Minister Sithree “Cey” van Heydoorn

[Orguyo Nashonal]
Ayera tabatin un momento di hopi orguyo durante e homenahe na nos
Reina Hispano-Américana, Kimberly de Boer.
Plasa Brion tabata yen di hóbennan prometedor den e área di sertámen.
Un prueba ku talento, disiplina i perseveransia ta biba fuertemente den nos komunidat.
E Blue Wave no ta solamente visibel den deporte, sino tambe den tur forma i disiplina kaminda nos hóbennan ta representá Kòrsou ku dignidat, elegansia i karisma.
Nos tabatin e honor di risibí na Kòrsou e organisashon internashonal di Reina Hispano-Américana, i durante nan bishita nan a hasi un bunita gesto ku un opsekio na mi kasa.
Mi ta gradisí nan sinseramente pa e muestra di apresio i pa e kompromiso ku nan ta mustra pa sigui pone nos pais riba mapa internashonal.
Manera mi a ekspresá, Kòrsou tin tur e potensial pa bira sede di Reina Hispano-Américana den futuro.