Minister Sithree van Heydoorn tabata tin un reunion ku representantenan di Toastmasters Kòrsou, kaminda a tuma lugá un interkambio balioso tokante e aporte ku nan ta duna nos komunidat.

Durante e enkuentro, a papia tokante diferente posibel proyektonan den kuadro di Ministerio di OWCS, spesífikamente den e área di edukashon.

E enfoke tabata riba inisiativanan dirigí riba nos muchanan, ku e meta pa empoderá nan, desaroyá nan abilidatnan di komunikashon, fortalesé nan konfiansa propio i yuda nan mira nan mes ku siguridat i determinashon.

Minister ta gradisí e representantenan pa nan pashon, kompromiso i dedikashon den e área aki. Lo sigui interkambiá i konkretisá e proyektonan, ku fin di kuminsá implementá inisiativanan konkreto pa benefisio di nos hóbennan.

Huntu nos ta sigui traha na un futuro mas fuerte pa Kòrsou.