Minister Shalten Hato 𝐑𝐮𝐦𝐛𝐨 𝐩𝐚 𝐌𝐞𝐫𝐤𝐚!

Awe nos selekshon nashonal a sali rumbo pa Merka ku un meta kla: defendé nos kolornan ku orguyo, pashon i determinashon.

Tras di kada hungadó tin un pueblo ku ta kere den nan talento, ku a siguí nan trayekto i ku ta deseá nan tur klase di éksito den e desafio na kaminda. Bistiendo na blou tur 3 wega inisial di Kòrsou, nan ta representá no solamente un tim, sino nos identidat, nos fortalesa i nos speransa.

Na nòmber di tur YDK, nos ke deseá nos selekshon sabiduria, union i éksito. Hunga ku kurason, lucha pa kada bala i laga mundu mira e spiritu inigualabel di nos isla.