FFK A NOMBRA LESLEY FER KOMO FIFA FORWARD PROGRAMA MANAGER! / FFK BENOEMT LESLEY FER TOT FIFA FORWARD PROGRAMMA MANAGER!
FFK A NOMBRA LESLEY FER KOMO FIFA FORWARD PROGRAMA MANAGER!
Federashon Futbòl Kòrsou a nombra señor Lesley Fer komo parttime FIFA Forward Programa Manager. Ku e nombramentu akí, FFK a sigui fortalesé e ehekushon profeshonal, transparante i sostenibel di proyektonan den FIFA Forward Programa i ta tuma otro paso importante den profeshonalisashon di e organisashon i desaroyo struktural di futbòl na Kòrsou.
E funshon di FIFA Forward Programa Manager ta rekerí un nivel haltu di profesionalismo, integridat i konosementu den maneho. E Programa Manager ta responsabel pa desaroyo, implementashon, koordinashon i monitoria di tur proyekto finansá via FIFA Forward Programa. Transparensia, kumplimentu ku FIFA Financial Governance Framework, maneho di riesgo ku koutela, disiplina presupuestario i desaroyo duradero di futbòl ta fundamental.
Ademas, e Programa Manager ta sirbi komo punto di kontakto prinsipal na FIFA i ta responsabel pa rapòrt tèkniko i finansiero relashoná ku progreso di tur proyekto. E ròl akí ta eksiguí kompetensia fuerte den ‘projectmanagement’, ’stakeholdermanagement’, ‘compliance’ i kòntròl interno, segun e standart internashonal di maneho.
Lesley Fer ta aportá ku un perfil nashonal i internashonal amplio. Den su funshon aktual komo Direktòr Risk Management & Disaster Policy na Ministerio di Asuntu Generál i Relashonnan Eksterior el a gana hopi eksperensia den kreá i manehá programanan kompleho i multidisiplinario.
Komo Koordinadó Nashonal di Krísis di Kòrsou, el a hunga un ròl klave den maneho di krísis nashonal durante e pandemia di COVID-19. El a koordiná programa di gran embergadura ku presupuestonan supstansial i a representá Kòrsou den diferente grupo internashonal.
Señor Lesley Fer su ekspertisio den duna guia i manehá, lei i reglanan, atendé maneho di riesgo, trayekto di sertifikashon internashonal i koperashon intergubernamental ta kuadra perfektamente ku e eksigensianan di e FIFA Forward Programa.
Fer tin tambe un eksperensia akadémiko i profesional amplio den maneho empresarial, ‘projectmanagement’ (PRINCE2), ‘crisismanagement’ i auditoria.
Su estilo di liderato ta karakterisá pa integridat, responsabilidat, enfokando riba resultado i kapasidat pa integrá maneho, finansa i ehekushon di proyekto di manera efektivo. Ku e nombramentu akí, FFK ta aksentuá su meta pa alsa e nivel di maneho, disiplina finansiero i ehekushon di proyekto mas haltu.
Federashon ta konvensí ku konosementu, eksperensia i aktitut di Lesley Fer lo
yuda den kresementu struktural i kontinuo di futbòl na Kòrsou.
8 mart 2026
FFK BENOEMT LESLEY FER TOT FIFA FORWARD PROGRAMMA MANAGER!
De Federashon Futbòl Kòrsou heeft Lesley Fer benoemd tot parttime FIFA Forward Programma Manager. Met zijn aanstelling versterkt FFK de professionele, transparante en duurzame uitvoering van projecten binnen het FIFA Forward Programma en zet de federatie een belangrijke stap in de verdere professionalisering van de organisatie en de structurele ontwikkeling van het voetbal op Curaçao.
De functie van FIFA Forward Programma Manager vraagt om een hoog niveau van professionaliteit, integriteit en bestuurlijke deskundigheid. De Programma Manager is verantwoordelijk voor de ontwikkeling, implementatie, coördinatie en monitoring van projecten die worden gefinancierd via het FIFA Forward Programma. Transparantie, naleving van het FIFA Financial Governance Framework, zorgvuldig risicobeheer, budgetdiscipline en duurzame voetbalontwikkeling staan daarbij centraal.
Daarnaast fungeert de Programma Manager als primair aanspreekpunt richting FIFA en is hij verantwoordelijk voor zowel inhoudelijke als financiële rapportages over de voortgang van projecten. De rol vereist sterke competenties op het gebied van projectmanagement, stakeholdermanagement, compliance en interne controle volgens internationale governance-standaarden.
Lesley Fer brengt een breed nationaal en internationaal profiel mee. In zijn huidige functie als directeur Risk Management & Disaster Policy bij het Ministerie van Algemene Zaken en Buitenlandse Betrekkingen heeft hij ruime ervaring opgedaan met het opzetten en aansturen van complexe, multidisciplinaire programma’s.
Als Nationaal Crisiscoördinator van Curaçao speelde hij een sleutelrol in de nationale crisisaanpak tijdens de COVID-19-pandemie. Hij coördineerde grootschalige programma’s met substantiële budgetten en vertegenwoordigde Curaçao in diverse internationale samenwerkingsverbanden. Zijn expertise op het gebied van governance, wet- en regelgeving, risicobeheersing, internationale certificeringstrajecten en intergouvernementele samenwerking sluit naadloos aan bij de vereisten van het FIFA Forward Programma.
Fer heeft bovendien een uitgebreide academische en professionele ervaring in bedrijfskunde, projectmanagement (PRINCE2), crisismanagement en auditing. Zijn leiderschapsstijl wordt gekenmerkt door integriteit, verantwoordelijkheid, focus op resultaten en de capaciteit om beleid, financiën en uitvoering op een effectieve manier met elkaar te integreren.
Met deze aanstelling benadrukt FFK haar streven om de governance, financiële discipline en de uitvoering van projecten naar een hoger niveau te brengen. De federatie is ervan overtuigd dat de kennis, ervaring en houding van Lesley Fer een belangrijke rol zullen spelen in de verdere structurele groei van het voetbal op Curaçao.
8 maart 2026
