Apertura di Kunuku di Shon Mi na Ultimate Automobiles na Kaya Tula 44 na Ser’ Dòmi.

Djamars 10 di mart 2026 a tuma luga apertura di Kunuku di Shon Mi na Ultimate Automobiles na Kaya Tula 44 na Ser’ Dòmi.
Esaki ta e kunuku ku a ser krea kaminda tur aktividat nan di seú lo tuma lugá.
E atardi aki tambe a duna homenahe na tres habitante di e bario kende nan ta :
1. Quiterio “Shon Mi” Balentina
2. Cecilia Eisden – Nahr
3. Marie Geraldin Aréthas

E mesun atardi aki partisipante nan pa festival di É Kantado Mayó a skohe nan órden di aparishon pa e festival ku lo tuma lugá dianan 17,18,19 i 21 di mart na Kunuku di Shon Mi na Kaya Tula 44, Ultimate Automobiles na seru di Dòmi.
Tambe grupo nan a ranka number pa loke ta nan partisipashon na marcha nan di seú.

Riba e atardi aki tambe Fundashon Jag a presenta nan proyekto “trank’e di Jag” ku ta un proyekto den kua pueblo por bai planta den nan kura di kas i asina por tin kosecha di nan mes kura.
E chèri riba e bolo di e atardi tabata na momento ku minister di enseñansa siensia kultura i deporte a anunsia ku e ganadó di e festival É Kantadó Mayó lo risibi un outo nobo nobo marka CHERY