17 di mart 2026 Fundashon Pro Souax ku CHARLA: NUTRISHON DESPUES DI UN OPERASHON GRANDI.
17 di mart 2026 Fundashon Pro Souax ku CHARLA: NUTRISHON DESPUES DI UN OPERASHON GRANDI.
Fundashon Pro Souax i Sentro di bario Souax, ta informá habitantenan di Souax, Gato, Zegu i bisindario i demas interesado ku djamars próksimo 17 di mart lo tin e siguiente charla di e siklo di charla ” ALIMENTASHON RESPONSABEL”. E siklo di charla tin komo meta pa duna informashon i di e forma aki konsientisá habitantenan di Souax i bisindario i tambe otro interesadonan, kon alimentá nan mes di un forma balansá, sano i responsabel.
E luna aki DIETISTA SRA. SIEGMARA CAROLINA lo trata e tópiko:
NUTRISHON DESPUES DI UN OPERASHON GRANDI.
Durante di e charla e dietista lo duna informashon balioso tokante e.o kon balansá bo dieta i kiko paga tinu riba dje den bo nutrishon despues di un operashon grandi.
Entrada ta grátis i lo tin amplio oportunidat pa hasi pregunta. Un i tur ta keda kòrdialmente invitá pa bin skucha informashonnan interesante riba e tópiko aki.
| Charla ALIMENTASHON RESPONSABEL
Tópiko : NUTRISHON DESPUES DI UN OPERASHON GRANDI. Oradó : DIETISTA Sra. Siegmara Carolina Dia : Djamars 17 di MART 2026 Ora : Shet’or pa mitar di nuebe di anochi (19.00 – 20.30) Entrada : GRATIS |
