KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

NOTISIA

Fundashon Pa Nos Muchanan lo no organisá yegada di Sanikolas mas.

Fundashon Pa Nos Muchanan lo no organisá yegada di Sanikolas mas.

 

Pa 14 aña konsekutivo nos di Fundashon Pa Nos Muchanan a logra organisá yegada di Sanikolas na Kòrsou di un forma éksitoso ku ayudo di masha hopi spònser ku tabata kere den nos organisashon i den e fiesta pa mucha aki.
Pa diferente motibu nos di FPNM a yega na e desishon ku nos organisashon lo no organisá yegada di Sanikolas mas. Pero loke mas a pisa serka nos ta e forma kon e fiesta aki ta keda relashoná ku rasismo. Mirando loke ta pasando awor aki na Merka i na varios parti di mundu, kaminda e lucha pa kaba ku rasismo ta asina grandi, a pone nos tuma e desishon ku FPNM lo no organisá e yegada di Sanikolas mas. Semper nos a konsiderá e fiesta aki un fiesta pa trese alegria serka nos muchanan, un temporada pa premia nos muchanan su bon komportashon. Hamas tabata nos intenshon pa niun hende sinti nan mes deskriminá ku e fiesta aki. Pesei tambe nos a trese varios adaptashon atrabes di añanan.
E hecho ku e fiesta aki ta keda relashoná ku rasismo ta pone ku e ta pèrdè su sabor i hopi hende tin asta miedu di selebrá esaki pa nan no wòrdu konsiderá komo hende rasista. Nos ta lamentá, si pa un òf otro motibu nos organisashon a pone kualke mucha òf adulto sinti nan mes ofendí pa motibu di e fiesta aki.
FPNM lo bai traha riba un konsepto diferente pa tòg por tin un dia di selebrashon pa nos muchanan.

Ku FPNM no ta organisá yegada di Sanikolas mas no ta nifiká ku un otro organisashon lo por disidí di hasi esaki i lo no nifiká tampoko ku otro gruponan lo no organisá nan fiestanan tradishonal. Pero e parti nan ei lo no ta na enkargo di FPNM.
Nos ke gradisí tur e spònsernan ku pa 14 aña largu a sostené nos organisahon i pueblo di Kòrsou ku tabata bini masalmente na tur e sitio nan ku Sanikolas i su pietnan tabata bishitá.
Pueblo di Kòrsou masha danki pa e sosten i pronto nos lo ta bèk ku algu great pa nos muchanan.

 

639114718427035"
639114718427035"