CURACAO BANDA SHOW TA LANSA CD “DIFERENTE” DI 13 KANSION  RIBA MERKADO

 

CURACAO BANDA SHOW TA LANSA CD “DIFERENTE” DI 13 KANSION  RIBA MERKADO

 

WILLEMSTAD – E agrupashon musikal Curaçao Banda Show bou di direkshon di maestro Enrico Henriquez, resientemente a lansa un Disko kompakto di 13 kansion riba merkado. Ta trata aki di e CD titulá: “Diferente””.

 

Ta trata aki di un disko kompakto varia di tur e kansionnan ku CBS a bin ta graba atraves di añanan ku a pasa. Esaki ta inkluí tambe dos medley di Pasku ku CBS a bon ta graba pa e último dos añanan tras di lomba.

 

Interpretashon dje 13 kansionnan aki ta na enkargo di entre otro Daina Sanchez, Henry “El Cantante” Lopez, Eupimio “El Caballero” Rubio, Jose “Pipo””Villasmil i Anthony Henriquez

 

E 13 kansionnan riba e disko kompakto “Diferente” ta:

 

  1.  Mi sa ku mi stima bo un bolero kantá den duo  pa Daina i Pipo
  2.  Ojos Malvados un salsa kantá pa Pipo
  1.  Tápame Contigo un bolero kantá pa Henry
  2.  Maria Consuelo un salsa kantá pa Eupimio
  3.  Mango Maduro un salsa kantá pa Pipo
  4.  Tu me haces falta un bolero/son kantá pa Daina
  5.  Por ella  un salsa kantá pa  Henry
  6.  Masa Masa un kalipso/soka kantá pa Pipo

 

  1.  Si no tin amor un Son Montuno kantá pa Henry
  2. La Copa Rota un bolero kantá pa Anthony
  3. Zumbi un paranda kantá pa Pipo
  4. Medley di Pasku 1 kanta pa Henry, Pipo i Eupimio
  5. Medley di Pasku 2 kanta pa Daina, Henry i Pipo

 

Tur e areglonan riba e CD aki tabata na enkargo di maestro Enrico Henriquez.

 

Ata un bon oportunidat pa hasi regalo pa dianan di fiesta di e CD nobo i alegre di Curaçao Banda Show. Bo por reserva esun di bo na solamente 25 florin pa unu serka e propio Enrico Henriquez na number di telefòn/whatsapp 515-6396.  Dianan ta fiesta ta dianan pa hasi otro kontentu i kiko mas mihó ku un CD di Curaçao Banda Show.

 

Pa 2021, Curaçao Banda Show, bou di direkshon Musikal di Maestro Enrico Henriquez lo sigui konkista merkado ku su músika diferente na kalidat haltu. 

 

Pa awor aki, Curaçao Banda Show ta deseá Pueblo di Kòrsou, felis dianan di fiesta, un próspero 2021 i Stay Safe!

 

Direktiva di 

Curaçao Banda Show 

 

Potrèt: Aki por mira e kaft di e CD “Diferente” di Curaçao Banda Show

 

This site uses Akismet to reduce spam. Learn how your comment data is processed.

error: Content is protected !!
%d bloggers like this: