Bos di Kunuku 2026 den Kunuku Di Shon Mi

Dia 28 di mart 2026 lo tin e evento tradishonal Bos di Kunuku den Kunuku Di Shon Mi. E aktividat lo kuminsá 3:00 di atardi i lo konta ku un total di 8 partisipante.

Durante e evento aki e hóbennan ta haña oportunidat pa mustra nan talento i tambe pa mustra ku nan tin amor pa nos kultura.

Bos di Kunuku tin komo meta prinsipal pa stimulá i siña nos muchanan for di un edad hóbèn tokante nos tradishon i kultura, manera Seú i e balornan di nos bida den kunuku. Organisadónan ta kere ku ta di suma importansia pa mucha siña for di chikí riba nan herensia kultural.

E programa lo kuminsá pa 3:00 di atardi, kaminda e muchanan lo bai ser akompañá pa e bandanan Nimá, Umo i Zebe, ku lo duna un bon ambiente na e aktividat.

Entrada pa e evento aki ta solamente 20 Xcg. Komunidat kompletu ta keda invitá pa bin disfrutá di e atardi kultural aki i sostené nos muchanan den nan talento i amor pa nos kultura.

---

Sigui nos channel i keda bon informa https://whatsapp.com/channel/0029Va60KGA8aKvCY5S2G81V

---