Festival Bos di Kunuku 2026.

Festival Bos di Kunuku 2026. Kòrsou, 24 mart 2026.

Despues di un wikent super eksitoso di e festival di É Kantadó Mayó ta toka turno na nos muchanan djasabra awor dia 28 di mart.

Festival hubenil Bos di Kunuku ta bai tuma lugá aya na Kunuku di Shon Mi na Kaya Tula 44, Ser’i Dòmi.

Esaki lo ta e di 16 edishon di e festival ariba menshoná.

Un festival ku e hoben Shurendy Pieternella a kuminsá kune 16 aña pasa ku e meta pa duna nos muchanan tambe un oportunidat pa ekspresá nan mes ku kanto kultural i asina garantisá relevo pa e festival di Kantadó Mayó.

No opstante ku e komishon organisadó di seú anterior nunka a mustra interés den e festival Bos di Kunuku, señor Pieternella a sa di aserká algun sponser i sigui ku e proyekto aki mirando kon hoben nan ku a partisipá na e festival aki a sigui pisa tarima di otro festival nan manera tumba hubenil ku hopi éksito.

Aki nos por menshoná un Nedion Sluis, Ludjeden Jansen, Rojenely Cleofa, kende nan tur a partisipá na Bos di Kunuku i despues partisipà na Festival di tumba hubenil ku éksito.

Pa loke ta trata Bos di Kunuku djasabra awor ta kumisá 4 or di atardi.

Porta lo habri mitar di 4.

E festival lo konta ku 8 partisipante ku lo ser akompañà pa 3 difefente agrupashon kultural.

E festival e aña aki lo ser dediká na señor Hermanito Narvaez.

Por haña karchi na porta pa solamente 25 xcg.

Fundashon Jag ta desea éksito na kada partisipante di festival Bos di Kunuku.

 Grupo ritmiko Zebe;

– Nathan engelhart

– Blessing virginyah st jago

 O’NIMA;

– Thishon Cathalina

– Ray-Johnelly Sophia

– Said Bito

– Quenshadee Pieternella

– Marchelisse Rademaker

– Alisheva Raap