THALINA GIL A BIAHA PA NICARAGUA PA REPRESENTÁ KÒRSOU

THALINA GIL A BIAHA PA NICARAGUA PA REPRESENTÁ KÒRSOU

 

Willemstad- djadumingu 22 febrüari 2026, Thalina Gil huntu ku e tim di QMQ Organization a biaha pa Managua Nicaragua pa representá Kòrsou na e sertamen mas grandi di hóben mas grandi Internashonal; Teen Universe 2026. 

 

E sertamen ta selebrá 15 aña i pa e motibu ei a skohe Nicaragua komo e sende pa asina e sertamen ta na kas. 

Despues di 7 luna di preparashon, porfin e dia a yega pa Thalina Gil, biaha pa representá Kòrsou. 

 

Huntu ku su famia i e famia di QMQ Organization, Thalina a yega areopuerto Hato Internashonal pa asina kuminsá ku su biahe pa logra e soño grandi aki. 

 

E sertamen lo kuminsa ofisial djaluna 23 febrüari 2026 i e gran final lo ta djadumingu 1 mart 2026. 

Por sigui tur desaroyo di Thalina su representashon via e paginanan sosial di Teen Universe International, QMQ Organization, miembronan di QMQ i tambe Thalina Gil mes. 

 

Nos ke probecha pa yama danki nan tur pèrsona ku di un òf otro forma a yuda hasi e preparashon i e biahe di Thalina posibel. Ku un super bon energia i positivismo, nos ta ban pa saka kara di nos dushi Kòrsou.