Prolongashon periodo pa entregá arma di kandela ilegal 

KUERPO POLISIAL KÒRSOU 

 

KOMUNIKADO DI PRENSA

100/2026

27 mart 2026 

Prolongashon periodo pa entregá arma di kandela ilegal 

E periodo di e akshon ‘Entregá bo arma i skapa un alma’ a keda prolongá ku  dos siman mas. 

Kuerpo Polisial i Ministerio Públiko ke duna esnan ku ainda ke entregá nan  arma di kandela ilegal sin ku nan ta wòrdu persiguí penalmente, e oportunidat  pa hasi esaki. 

Ya kaba un kantidat di arma a keda entregá i e dos entidatnan aki ta konvensí ku ainda tin mas siudadano ku ta kontemplando pa hasi esaki. 

Pues den e próksimo dos simannan, for di djaluna te ku djabièrnè entre  08.00’or i 15.00’or, bo por depositá bo arma di kandela ilegal na Ministerio  Públiko. 

Sòru pa e ta paketá i kòrda entregá tambe munishonnan ku bo tin den bo  poder. 

Un bia mas nos ta gradisí tur persona ku ta yuda aportá na un Kòrsou liber di  arma di kandela ilegal i violensia ku arma di kandela.