KUERPO POLISIAL KÒRSOU 

 

KOMUNIKADO DI PRENSA

101/2026

30 mart 2026 

Detenshon pa maltrato 

Djadumingu 29 di mart 2026 alrededor di 20.14’or, Sentral di Polis a risibí informashon di un kaso di maltrato ku a tuma lugá na un adrès den Kaya  Shilling. 

Mesora a dirigí un unidat na e sitio. 

For di investigashon a sali na kla ku dos bisiña tabatin problema ku otro i dado  momentu e dama a kue pida blòki i manda esaki riba su bisiña maskulino, ku a  alkans’é na e parti patras di su kabes. 

Na yegada di polis, e unidat a nota un kap na kabes di e hòmber ku tabata  sangra. A pidi personal di ambulans pa yega na e sitio. 

Na e adrès enkestion, polis a detené e muhé R.C.S. di 38 aña di edat nasé na  Kòrsou pa maltrato. 

A present’é dilanti di un fiskal ouksiliar ku a ordená su enkarselamentu  pendiente di mas investigashon.