KUERPO POLISIAL KÒRSOU 

 

KOMUNIKADO DI PRENSA

362/2025

25 sèptèmber 2025 

Detenshon relashoná ku reibeweis falsifiká 

Djárason 24 di sèptèmber 2025 alrededor di 16.51’or, durante di un kòntrol di tráfiko  general den área di Waaigat, polis di Punda a hasi un detenshon. 

Na momentu ku polis tabata kontrolá papelnan di un vehíkulo, a resultá ku reibeweis di e  shofùr tabata falsifiká. 

Mesora a detené e hòmber W.C.L. di 50 aña di edat nasé na Kòrsou, enkonekshon ku  dokumento falsifiká.  

A presentá e sospechoso dilanti un fiskal ouksiliar ku a ordená su enkarselamentu  pendiente di mas investigashon.