Tòp-ekspertonan di Kasamentu na Destinashonnan pafó di nan pais a keda impreshoná ku Sandals Royal Curaçao / Top Wedding Advisors Captivated by Sandals Royal Curaçao
Tòp-ekspertonan di Kasamentu na Destinashonnan pafó di nan pais a keda impreshoná ku Sandals Royal Curaçao
Willemstad, Curaçao/ 24 di Sèptèmber 2025 – E timnan di ‘kasamentu i selebrashon’ di e organisashonnan ‘Unique Vacations Inc.’ i ‘Sandals Resorts International’ a risibí 18 tòp konsehero di Merka den e área di kasamentu na destinashonnan den Karibe, na e di tres ‘Annual Sandals Wedding Specialist Retreat’, kual a tuma lugá na e luhoso Sandals Royal Curaçao. Según e ekspertonan, e eksperensha tabata di tal nivel, ku esaki a posishoná Sandals na Kòrsou komo un di e opshonnan den tòp, pa loke ta trata ‘kasamentu den Karibe’.
E kultura lokal di Kòrsou, kaul a keda inkorporá den kada aspekto di e programa di e retreat i ku por a sinti i eksperensiá durante e estadia na Sandals Royal Curaçao, a impreshoná e partisipantenan. Durante e enkuentro di multiple dia, e ekspertonan a partisipá na aktividatnan interaktivo organisá dor di e timnan di ‘Sandals Weddings’ i ‘Island Routes’. E timnan a ofresé partisipantenan un bista eksklusivo di e último trèntnan i inovashonnan pa loke ta trata kasamentu na un destinashon pafó di e pais kaminda bo ta biba. Nan a eksplorá áreanan impaktante na e resort kaminda por tene kasamentu, i alabes a eksperenshá e akomodashonnan romántiko na Sandals, inkluso e ‘bungalow’nan kantu di laman, i e akomodashonnan luhoso ‘Kurason Island Suites’ i ‘Asombroso Rondoval Butler Villas’, di kua e último tin inkorporá e servisio di ‘butler’. Asina e partisipantenan por a eksperensiá e luho i servisio personal ku e klientenan por spera.
Mas aleu, e ekspertonan a disfrutá di e energia vibrante i karismátiko di Kòrsou pa medio di eskurshonnan bou di guia den nos sentro di siudat. Aki nan a keda impreshoná ku e arkitektura kolorido di nos isla, áreanan históriko i e paisahe di nos kosta impreshonante – eksperensianan ku a hasi e destinashon aun mas atraktivo pa parehanan ku ke selebrá un kasamentu inolbidabel.
“Monumental”, “fenomenal”, inspirativo” i “bo ta sinti e komunidat” ta algún di e ekspreshonnan ku e ekspertonan a usa pa deskribí nan eksperensia na Kòrsou. “Mi no ta tuma e remarkenan ekspresá dor di e partnernan den e merkado aki leve. Esaki tabata e mihó evento i berdaderamente e mihó resort kaminda nos a tene e retreat,” asina señora Marsha-Ann Donaldson-Brown, Direktor di Weddings&Romance pa Luxury-Included Sandals Resorts International, a splika. “E bunita mantenshon di e naturalesa i e paisahe realmente a duna realse na e eksperensia na e resort, i e impreshonnan kulinario, banda di e eskurshonnan a surpasá nos ekspektativanan. Tabata un eksperensia fenomenal – un simia a keda plantá.”
E di tres “Annual Sandals Wedding Specialist Retreat” ta fortifiká e kompromiso di Sandals Resorts International pa trese inovashon, sigui kolaborá i mantené e nivel di ekselensia pa kasamentu na destinashonnan den Karibe, i asina asegurando ku konseheronan di biahe ta ekipá por kompletu pa por ofresé nan kliente paketenan ku eksperensianan eksepshonal.
Top Wedding Advisors Captivated by Sandals Royal Curaçao
Willemstad, Curaçao/ September 24, 2025 – The Weddings and Celebrations teams from Unique Vacations Inc. and Sandals Resorts International hosted 18 top-producing travel advisors at the 3rd Annual Sandals Wedding Specialist Retreat, held at the luxurious Sandals Royal Curaçao. It was an experience that, according to the experts, positions the resort to become a top choice for destination weddings in the Caribbean.
The participants of the retreat were particularly impressed by how the culture of Curaçao was incorporated into every aspect of the location and program experiences. During the retreat, advisors participated in engaging presentations by the Sandals Weddings Team and Island Routes, providing an exclusive look at the latest trends and innovations in destination weddings. They explored the resort’s stunning wedding venues and experienced its swoon-worthy accommodations, including seaside bungalows, Kurason Island Suites, and Asombroso Rondoval Butler Villas — offering a true taste of the luxury and personalized service their clients can expect.
Beyond the resort, advisors discovered Curaçao’s vibrant coastal charm on a guided city tour, taking in the island’s colorful architecture, historic landmarks, and scenic coastlines—experiences that further enhance the destination’s appeal for couples seeking unforgettable wedding celebrations.
“Monumental”, “phenomenal,” “inspiring,” and “a strong sense of community” are just a few of the expressions used by the travel partners to describe their overall experience in Curaçao. “I don’t take the remarks of the travel partners lightly. This was the best event, and overall the very best resort at which we have hosted a retreat,” said Mrs. Marsha-Ann Donaldson-Brown, Director of Weddings & Romance for Luxury-Included Sandals Resorts International. “The beautiful landscaping has truly sold the resort, and the cuisine highlights and tour guides exceeded my expectations. It was a phenomenal experience—the seed has been planted.”
The 3rd Annual Sandals Wedding Specialist Retreat reinforces Sandals Resorts International’s commitment to innovation, collaboration, and excellence in destination weddings in the Caribbean, ensuring that travel advisors are fully equipped to deliver exceptional experiences for their clients.
