Parlamento di Kòrsou Deliberashon ku Kontraloria General tokante e ràport “Jaarrekening 2023 Curaçao”

Djamars, 28 di aprel 2026, Parlamento di Kòrsou a kontinuá ku e Reunion di Komishon Sentral ku a keda di skòrs riba djaluna, 23 di mart 2026.

E reunion a kuminsá ku un presentashon di representantenan di Kontraloria General, sr. Joel Felida i sra. Shanela Cathalina.

Despues di e presentashon, Miembronan di Parlamento a bai di akuerdo ku e proposishon di òrdu di Parlamentario sr. Girigorie, pa skòrs punto 2 di agènda, pa asina Miembronan di Parlamento por revisá e presentashon di Kontraloria General ku a risibí via email.

Presidente di Parlamento, sr. Fergino Brownbill, a skòrs punto 2 pa mei ora, pa Miembronan di Parlamento por pasa den e presentashon. Durante e interupshon Parlamento a ratifiká e punto di agenda adishonal: Ratifikashon di biahe “Expocomer 2026” na Panama di 9 pa 13 di mart 2026.

Despues, a reanudá e reunion i Presidente di Parlamento a habrí e úniko tanda di 10 minüt pa Miembronan di Parlamento por hasi preguntanan na representantenan di Kontraloria General.

Na final di e úniko tanda, representantenan di Kontraloria General, a pidi espasio pa por formulá e kontestanan riba e preguntanan ku a wòrdu hasi dor di Miembronan di Parlamento.

Presidente di Parlamento a skòrs e reunion te ku próksimo aviso.