Djárason, 1 di aprel 2026, Parlamento di Kòrsou a organisá un seshon di informashon tokante e proseso pa tratamentu di Presupuesto di Kòrsou 2027.

Presidente di Parlamento, sr. Fergino Brownbill, i Grefir, sr. Silvin Cijntje, a duna splikashon tokante un posibel proseso nobo pa tratamentu di Presupuesto, kuminsando ku e presupuesto di aña 2027.

Meta di e seshon aki tabata pa kontribuí na un proseso mas efektivo pa tratamentu di Presupuesto den Parlamento.

Parlamentarionan, kolaboradoran di frakshon i empleadonan di Grefi a haña oportunidat pa hasi preguntanan i a risibí e klarifikashonnan nesesario tokante e proseso nobo. Alabes a palabrá kon lo sigui ku e trayekto pa yega na e proseso nobo.