Konseho di Minister a risibí bishita di representantenan di Nashonnan Uní / Raad van Ministers ontvangt vertegenwoordigers van de Verenigde Naties

Willemstad – Djárason, 1 di aprel 2026, Konseho di Minister a risibí bishita di e Kordinadó Residente di Nashonnan Uní pa Trinidad & Tobago, Aruba, Kòrsou i Sint Maarten, señora Joanna Kazana-Wisniowiecki i su delegashon.

E bishita a konsistí di un presentashon i diálogo stratégiko kaminda a para ketu na e sistema di koperashon ku Nashonnan Uní tin ku Kòrsou i alabes agentenan di Nashonnan Uní ku aktualmente ta trahando na Kòrsou. Un di e metanan prinsipal tabata pa identifiká prioridatnan ku Kòrsou tin aktualmente komo pais i kon e Nashonnan Uní i su agensianan por traha huntu i duna un aporte na realisashon di e prioridatnan di pais Kòrsou.

Durante e presentashon a pasa brevemente riba diferente trayekto pa loke ta salubridat, enseñansa, uso di Inteligensia Artifisial, igualdat i migrashon. Sra. Kazana-Wisniowiecki a remarká ku Kòrsou ta sobresalí komo pais ku ta tuma edukashon i salubridat na serio i ku Kòrsou tin un bon sistema pa loke ta maneho i seguridat di su frontera. Durante di e kòmbersashon e representante di Nashonnan Uní a felisitá Minister Shalten Hato di Hustisia i Minister Charetti America-Francisca di Desaroyo Sosial, Labor i Bienestar (SOAW) ku inisio di e trayekto ‘Rib’é Lugá’ i e Konferensha di Prensa kaminda a kompartí hopi informashon balioso tokante e trayekto di registrashon i legalisashon di indokumentadonan.

Promé Minister Pisas na su turno a para ketu na e Plan di Gobernashon di Gabinete Pisas III i e ‘Sustainable Development Goals (SDG’s)’ ku Kòrsou ta bai enfoká riba dje den e ‘Agènda 2030’. Esakinan ta entre otro kombatí probresa ekstremo, inigualdat, inhustisia i kambio di klima.

Por último sra. Kazana-Wisniowiecki a enfatisá riba e diferente oportunidatnan ku Kòrsou tin pa hasi uso di e ekspertisionan presente den Nashonnan Úni pero tambe e diferente agensianan ku ta forma parti di e organisashon.

Sra. Joanna Kazana-Wisniowiecki a ser akompañá pa e siguiente representantenan di Nashonan Uní:  Tracey Hutchinson (‘Head of Office of the United Nations Resident Coordinator), Christelle Parris-McKay (‘Data Management Officer’) i Mark Thomas (‘Partnerships & Development Finance Officer’), i tambe Karen Wouters (‘Project Coordinator for Curaçao’, International Organization for Migration (IOM)).

Willemstad – Op woensdag, 1 april 2026, kreeg de Raad van Ministers van Curaçao bezoek van de Resident Coördinator van de Verenigde Naties voor Trinidad & Tobago, Aruba, Curaçao en Sint Maarten, mevrouw Joanna Kazana-Wisniowiecki, en haar delegatie.

Het bezoek bestond uit een presentatie en een strategische dialoog, waarbij werd stilgestaan bij het samenwerkingskader dat de VN met Curaçao heeft, evenals bij de activiteiten van de vertegenwoordigers van de VN die momenteel op Curaçao werkzaam zijn. Een van de belangrijkste doelstellingen was het identificeren van de huidige prioriteiten van Curaçao als land, en hoe de VN en hun agentschappen gezamenlijk kunnen bijdragen aan de verwezenlijking van deze nationale prioriteiten.

Tijdens de presentatie werd kort ingegaan op verschillende trajecten op het gebied van gezondheidszorg, onderwijs, het gebruik van ‘Artificial Intelligence’, gelijkheid en migratie. Mevrouw Kazana-Wisniowiecki benadrukte dat Curaçao zich onderscheidt als een land dat onderwijs en gezondheidszorg serieus neemt en beschikt over een degelijk systeem voor grensbeheer en -beveiliging. Tijdens het gesprek feliciteerde de vertegenwoordiger van de VN minister Shalten Hato van Justitie en minister Charetti America-Francisca van Sociale Ontwikkeling, Arbeid en Welzijn (SOAW) met de start van het traject ‘Rib’e Lugá’ en de persconferentie waarin veel waardevolle informatie werd gedeeld over het registratie- en legalisatietraject van ongedocumenteerden.

Vervolgens stond Minister-President Pisas stil bij het regeerprogramma van Kabinet-Pisas III en de ‘Sustainable Development Goals’ (SDG’s) waarop Curaçao zich binnen de Agenda 2030 zal richten. Deze omvatten onder meer het bestrijden van extreme armoede, ongelijkheid, onrechtvaardigheid en klimaatverandering.

Tot slot benadrukte mevrouw Kazana-Wisniowiecki de verschillende mogelijkheden voor Curaçao om gebruik te maken van de aanwezige expertise binnen de VN, evenals van de diverse agentschappen die deel uitmaken van de organisatie.

Mw. Joanna Kazana-Wisniowiecki werd vergezeld door de volgende vertegenwoordigers van de Verenigde Naties: Tracey Hutchinson (‘Head of Office of the United Nations Resident Coordinator), Christelle Parris-McKay (‘Data Management Officer’), Mark Thomas (‘Partnerships & Development Finance Officer’), en ook Karen Wouters (‘Project Coordinator for Curaçao, International Organization for Migration (IOM)’).

Bishita di Nashonnan Uní na Konseho di Minister | 1 di aprel 2026