Minister Geoffrey Wever Despues di un trayectoria largo ehecuta y lidera pa e Raad van Commissarissen di Centrale Bank, awe mainta, durante un rueda di prensa, mi persona a introduci Sr. Thomas Domhoff como e presidente nobo di Banco Central di Aruba.

E nombramento aki ta sigui un trayectorio largo y extensivo, lidera y ehecuta pa e Raad van Commissarissen di Banco Central di Aruba, bow di gia di Sr. Arie Swaen. E Raad van Commissarissen, cu a wordo establece varios aña atras. como organo independiente encarga cu supervision strategico di Banco Central di Aruba, a maneha e proceso completo di buskeda y seleccion, incluiendo colaboracion cu un experto externo.

Sr. Domhoff ta un ehecutivo cu mas di 30 aña di liderazgo den sectornan di banco, finansa, agricultura y educacion, tanto na Aruba, Curaçao, y internacionalmente. E a ocupa varios posicionnan di alto nivel, y recientemente a ocupa e posicion di CEO di GI-RO Settlement Holding N.V. (GSH), na Curaçao. Su experiencia amplio, liderazgo strategico y enfoke riba innovacion y capital humano, lo contribui na fortalece e rol di Banco Central di Aruba como pilar di stabilidad financiero y confiansa economico. E meta di Sr. Domhoff ta pa contribui na un Banco Central di Aruba robusto, transparente y orienta pa futuro, cu ta inspira confiansa, fomenta innovacion financiero, y contribui na desaroyo economico sostenibel di Aruba y pa establece un relaciona profesional y habri cu e sector financiero di Aruba.

Mi ta gradici e equipo completo di Banco Central di Aruba, cu bow liderazgo di señora Miriam Gonzalez y especialmente señora Miriam Gonzalez, cu desde e despedida di señora Jane Semeleer a fungi como Interim-President di Banco Central di Aruba, a lidera na un forma hopi profesional Banco Central di Aruba den e periodo di transcision aki.

Bon bini na Sr. Thomas Domhoff! Mi ta desea Sr. Domhoff tur clase di exito den e ramo nobo aki pa hiba e institucion importante di Banco Central di Aruba dilanti den un fase nobo.