KUERPO POLISIAL KÒRSOU 

KOMUNIKADO DI PRENSA

111/2026 

6 aprel 2026 

Kontròl di tráfiko 

Djadumingo 5 di aprel 2026 den oranan di atardi, personal di warda di polis Barber a tene  kontròl general di tráfiko i kontròl na playanan di Bándabou. 

E kontròlnan di tráfiko a tuma lugá riba Kaminda Vikto Bartholomeus i Weg naar Westpunt  na altura di Kaya Boksit i Daniel. 

A kontrolá 76 vehíkulo i a repartí 42 prosès verbal pa e siguiente violashonnan di e lei di  tráfiko. 

Manehá un vehíkulo sin: 

➢ Karchi di kùr bálido; 

➢ Reibeweis bálido; 

➢ Impuesto bálido; 

➢ Seguro bálido; 

➢ Faha di seguridat bistí; 

➢ Plachi di number dilanti. 

Manehá un vehíkulo: 

➢ ku winshil di plak skur;. 

Durante di e kontròl a kontrolá playanan ku tabata bon bishitá ku hopi turista. 

Polis mester a duna un atvertensia na personanan ku tabata toka músika muchu duru. E kontròlnan aki ta kontinuá.