Grupo di Tarea Spesial (GBO) ku asistensia di e tim marítimo di KPCN a detené un hòmber di inisial C.S.A.S di 31 aña

Den oranan di mainta di awe, djaweps 23 di aprel, e Grupo di Tarea Spesial (GBO) ku asistensia di e tim marítimo di KPCN a detené un hòmber di inisial C.S.A.S di 31 aña di edat riba boto den laman. A detené e sospechoso pa violashon di Lei di Arma di Kandela BES, menasa i violensia públiko. E detenshon ta den kuadro di un investigashon andando en konekshon ku un kaso di bringamentu riba 10 di oktober 2025. Relashoná ku e detenshon, a tene dos entrada hudisial. Ta trata di un kas na bario Den Tera i na Hato. No a topa ku nada relevante pa e investigashon. Investigashon den e kaso ta kontinuá.