Minister Shalten Hato: Premio Cola Debrot 2026 

Ku orguyo i emoshon, ayera mi tabatin e honor huntu ku kolega Charetti America na nòmber di Gobièrnu di Kòrsou di otorga e prestigioso Premio Cola Debrot 2026. E kategoria di e aña aki ta baile, un forma di arte unda pashon, disipliná i kreatividat ta uni pa forma talento i inspirá komunidat.

E galardonado di e aña aki ta Jeritza Vivas. Ku su dedikashon, kompromiso ku arte i kontribushon balioso na desaroyo di baile na Kòrsou, el a logra laga un impakto duradero den nos komunidat. Jeritza a inspirá tantu hóbennan komo adulto pa ekspresá nan mes atraves di baile i pa sigui persiguí nan soño ku determinashon.

Na nòmber di Gobièrnu di Kòrsou, nos ta felisita Jeritza Vivas ku e rekonosimentu meresí aki. Su talento i entrega ta un inspirashon pa tur artista i pa henter nos pueblo.

Kòrsou ta orguyoso di bo!