Mantenshon di kaya na Weg naar Welgelegen

Willemstad – Minister Charles Cooper huntu ku Servisio pa Obra Públiko (OW) ta informá ku entrante djaluna 11 di mei 2026, trabounan di mantenshon di kaya lo kuminsá den área di Weg naar Welgelegen na Otrobanda. Esaki lo tin un durashon di 3 siman.

E trabou ta konsistí di asfaltá parti di e kareteranan ku ta den mal estado. Kontratista MNO Vervat ta enkargá ku ehekushon di e trabou. Durante ehekushon di e trabounan aki, habitantenan i negoshinan den e área lo por yega nan kas òf establesimentu normalmente.

Pa otro outomobilistanan ku ta hasi uso di e karetera aki, lo tin ruta alternativo ku lo wòrdu indiká pa bari i bòrchinan.

Minister Charles Cooper i OW ta hasi un apelashon na tur outomobilistanan pa kore ku koutela.