Aksidente di trafiko ku morto 

 

KUERPO POLISIAL KÒRSOU 

KOMUNIKADO DI PRENSA

151/2026

14 mei 2026 

Aksidente di trafiko ku morto 

Djaweps 14 di mei 2026 alrededor di 04.56’or, Sentral di Polis a risibí informashon ku un aksidente di tráfiko grave a tuma lugá na e krusada Schottegatweg-Oost/Plutostraat. 

Mesora unidatnan di warda di polis di Punda a keda dirigí na e sitio. 

Na nan yegada nan a topa ku shofùr di un skuter drumí riba kaya na un  distansia for di su skuter i un outo di famia. 

For di investigashon preliminar a sali na kla ku e outo di famia tabata kore riba  Schottegatweg-Oost den direkshon di Schottegatweg-Zuid. Na e krusada ariba  menshoná, e shofùr a bai lora na man robes ku konsekuensia ku e skuter ku  tabata bini for di direkshon kontrali, a dal den dje. 

Shofùr di e skuter, un persona maskulino, a sufri multiple leshon. 

Personal di ambulans ku a yega na e sitio, no por a hasi nada mas pa e víktima,  ku ya no tabata duna señal di bida. 

Dòkter di polis a konstatá morto. 

Identidat di e víktima ainda no ta konosí, mientras ku investigashon den e kaso  ta kontinuá.