KUERPO POLISIAL KÒRSOU 

KOMUNIKADO DI PRENSA

164/2026

29 mei 2026 

Entrada hudisial ku dos detenshon pa ladronisia 

Kontinuando ku investigashon den e kaso di ladronisia den kas na Kaya  Noblesa dia 21 di mei 2026, polis a hasi dos detenshon. 

Djabièrnè 29 di mei 2026, Tim di Atrako a tene entrada hudisial na dos  diferente adrès.  

Alrededor di 05.35’or polis a detene e hòmber Q.L.G. nasé dia 17 òktober  1991 na Kòrsou na un kas den Djadostraat. 

Durante di entrada hudisial na un adrès den Kaya Hubert M. Schoop pa  05.45’or, a detené e hòmber S.R. nasé dia 24 novèmber 1987 na Kòrsou 

Durante di e entradanan hudisial, e personal di reshèrshi a konfiská diferente  artíkulo ku ta di importansia pa e investigashon. 

A presentá ambos sospechoso dilanti di un fiskal ouksiliar ku a ordená nan enkarselamentu pendiente di mas investigashon.