Presentashon di e “petite comité” di Parlamento enkuanto e último desaroyonan rondó di e “Areglo di Disputa”.

Djabièrnè, 29 di mei 2026, E reunion a keda yamá a base di un petishon di di Miembronan di Parlamento sr. David Seferina, sr. Ramon Yung i sr. Quincy Girigorie.

Promé ku pasa na e parti di deliberashon, Presidente di Parlamento, sr. Fergino Brownbill, a duna sr. Ramon Yung i sr. Quincy Girigorie, ku ta forma parti di e “petite comité”, e oportunidat pa duna un introdukshon tokante e proseso i e último desaroyonan rondó di e “Areglo di Disputa”.

Despues di a tende e introdukshon di sr. Yung i sr. Girigorie, Presidente a habri e úniko tanda pa Miembronan di Parlamento por hasi preguntanan i duna nan disertashon na e miembronan di e “petite comité”.

Miembronan di e petite comité a kontestá e preguntanan formulá. Ademas, nan a indiká ku nan lo agregá e puntonan ku nan a risibí for di e miembronan di Parlamento, den e proseso di negosashon durante e siguiente Tripartit.