QMQ Organization selebrandó 5 aña ku su promé evento 

Pop Up di Miss Teenage

 

Tur kos a kumisá na aña 1968 ora ku e organisashon Cybeco a organisá e promé Miss Teenage Curaçao. 

 

Cybeco durante aña nan a organisá evento nan na nivel pa hóbennan di Kòrsou por a partisipá i kompetí na un manera sano. For di sértmanennan di Cybeco a sali hopi Miss Teenage i finalista nan ku durante di aña a bira pèrsona nan konosí den e mundu di beyesa òf ku a haña posishonnan importante den kominidat.

 

Basá riba e dushi temporada aki i selebrando e 5 aña di QMQ Organization, a bin ku e idea pa organisá un Pop-Up event dediká na Miss Teenage Curacao.

 

Den e Pop-Up event aki, bo ta mira potrèt, trofeo, lint, trahé nan etc, kombiná ku e historia di Miss Teenage. QMQ a drenta den kontakto ku tur e Miss Teenage nan di e temporada di gloria di Cybeco pa asina por haña artikulo nan pa por pone den nos Pop-Up event.

 

Aparte di esaki nan, QMQ Organization a invitá tur nos Miss Teenage nan pa pa join nos evento i asina rebibá e dushi temporada aki.

 

Ku e evento aki, QMQ su motor nan tambe ta start rumbo pa e sertamennan ku ta na kaminda entre otro e final di Miss Teenage Curaçao 2026.

 

Abo amante di beyesa ta keda kordialmente invitá djadumingu 31 di mei pa 2or di mèrdia na Landhuis Habaai i esun mas dushi ta ku entrada ta gratís.

 

Esaki te promé regalo ku QMQ Organization ta duna e amante nan di beyesa. 

 

Nos ta topa djadumingu awor 31 di mei.