SESHON ‘ONE ON ONE ENTRE PRENSA I HUNGADÓNAN!

SESHON ‘ONE ON ONE ENTRE PRENSA I HUNGADÓNAN!

Federashon di Futbòl Kòrsou, ayera a tene un seshon "one on one", entre prensa i hungadónan
den selekshon di Kòrsou.
E evento a tuma lugá entre 2'or di mèrdia pa 3'or, den kurá na Huis ter Duin, Noordwijk unda e
selekshon ta hospedá.
Prensa lokal di Hulanda i Internashonal a partisipá, despues di mester a reservá sita personal ku e
hungadonan. No mas ku 18 kamará tabata presente riba tereno patras na e hòtel pa periodistanan
por tene nan entrevista.
Tabatin hopi interes di media pa e seshon i tur hungadó a logra duna entrevista. E selekshon a
biaha awe pa Eskosia i ta hunga djasabra na Glasgow kontra di Eskosia.

28 mei 2026