Pronóstiko di tempu pa Kòrsou i bisindario bálido te djaluna mainta 6:00 o.l., 1 di yüni 2026.

 

Pronóstiko di tempu pa Kòrsou i bisindario bálido te djaluna mainta 6:00 o.l., 1 di yüni 2026.

Kompilá:
djadumingu 31 di mei 2026, 05:00 o.l. (09:00 UTC).

Tempu:
Por lo general parsialmente nublá ku chèns chikí pa algu di áwaseru aislá durante mainta. Despues ta ferwagt ku esaki lo mengua.

Temperatura máksimo lo alkansá 31ºC i temperatura mínimo 27ºC.
Solo ta sali 06:10 i ta baha 18:57 o.l.

Bientu:
For di ost i moderá; forsa 4 te 5 (20 te 39 km/ora, 11 te 21 nudo). Ráfaga, di bes en kuando fuerte; forsa 6 (40 te 50 km/ora, 22 te 27 nudo).

Situashon general:
Un ola tropikal den e área di Karibe ku ta move den direkshon west ta stimulá formashon di nubia riba nos region. Algun di e nubianan aki por produsí algu di áwaseru na sierto parti di nos isla prinsipalmente durante mainta. Despues di pasashi di esaki, un kapa relativamente diki di santu di Sahara lo drenta den nos área i kondusí asina na un bista limitá kompaña ku un wer relativamente seku. No opstante esaki, airu húmedo i instabil por duna chèns na algu di áwaseru riba parti di nos isla. Mas aleu, un preshon haltu di Atlántiko lo ekstendé den Karibe i asina un bes mas promové bientunan fuerte.

Kondishon di laman:
Moderá te lokalmente un tiki brutu ku altura di olanan entre 1 i 2 meter (3 i 7 pia). E olanan di mas haltu ta situá riba laman habrí na nort i ost di e isla.

Sistemanan signifikante di wer tropikal:
Sistemanan signifikante di wer tropikal: Ningun.

Fenómeno spesial:
Ningun.

Perspektiva te djamars mainta:
Parsialmente nublá, visibilidat redusí ku bientu fuerte durante di dia.

Meteorólogo:
Vrutaal.