Wind Creek Curaçao a selebrá 190 aña di servisio kolektivo di koleganan

Wind Creek Curaçao a selebrá 190 aña di servisio kolektivo di koleganan

 

WILLEMSTAD: Wind Creek Curaçao resientemente a selebrá un logro ekstraordinario di dedikashon i lealtat kolektivo. Durante un evento di rekonosementu a honra 15 miembro i lidernan di tim pa nan añanan di servisio i kompromiso inkansabel ku e organisashon. Esunnan honrá ta representá 190 aña di servisio, reflehando pashon, profeshonalismo i dedikashon. Entre esnan rekonosé; un kolega ku a selebrá 5 aña di servisio, sinku otro kolega a alkansá e logro di 10 aña, i nuebe kolega a marka 15 aña ku e kompania.

E selebrashon a wòrdu habrí pa Angelo Martes, Direktor di Rekurso Humano di Wind Creek Curaçao, ku a ekspresá su apresio pa e koleganan i nan aporte. “Nos ta berdaderamente honrá di por rekonosé e dedikashon, kompromiso i lealtat di miembronan di nos tim,” Martes a bisa. “Nan trabou duru i pashon ta e fundeshi di nos éksito i e motibu ku nos ta sigui entregá eksperensianan eksepshonal na nos huéspetnan.” E evento a brinda un oportunidat pa maneho i koleganan reflehá riba e logronan, kresementu i impakto duradero di kada miembro dje tim durante henter nan karera.

Wind Creek Curaçao ta sigui pone e norma pa medio di su kompromiso pa kuida miembronan di su tim i krea un kultura di bienestar, pertenensia i apresio. E selebrashon di aniversario a reforsá e filosofia di e kompania ku ora miembronan di e tim ta sinti nan mes balorá, nan ta wòrdu empoderá pa duna servisio eksepshonal, esaki ta un piesa klave dje éksito kontinuo di Wind Creek Curaçao. Wind Creek Curaçao ta felisitá tur miembro di su tim ku ta selebrá nan aniversario i ta spera hopi aña mas di logronan kompartí, kresementu, hospitalidat eksepshonal i sigui ta un ehèmpel pa sobra miembronan di tim.