𝐄𝐧𝐤𝐮𝐞𝐧𝐭𝐫𝐨 𝐤𝐨𝐧𝐬𝐭𝐫𝐮𝐤𝐭𝐢𝐯𝐨 𝐤𝐮 𝐝𝐢𝐫𝐞𝐤𝐭𝐢𝐯𝐚 𝐝𝐢 𝐋𝐢𝐛𝐞𝐫𝐭𝐲 𝐆𝐥𝐨𝐛𝐚𝐥

Djamars 9 di yüni 2026, Promé Minister Gilmar Pisas, huntu ku Minister di Enseñansa, Siensia, Kultura i Deporte, sr. Cey van Heydoorn, Minister di VVRP, sr. Charles Cooper, i Minister di Desaroyo Ekonómiko, sr. Roderick Middelhof, a tene un enkuentro di será konosí ku e direktiva di Liberty Global.

E direktiva a konsistí di Inge Smit, CEO di Liberty Caribbean, Waldo Hooker, Vise Presidente, General Manager South Caribbean; Sandy Marina, Sales Manager Curaçao; Ruchi Kaushal, General Counsel Liberty Caribbean; Giolina Daal, Senior Manager Legal & Regulatory of Flow; and Clarissa Filiciana-Alberg, Manager di Marketing and Communication.

Durante e reunion, representantenan di Liberty Global i Flow a duna un bista amplio riba nan invershonnan, proyektonan i desaroyonan aktual i futuro na Kòrsou. E enkuentro a ofresé oportunidat pa interkambio habrí di informashon tokante diferente tema di interés komún pa e desaroyo di nos isla.

E mandatarionan a aprobechá e momentu pa hasi diferente pregunta i pa papia tokante oportunidatnan pa sigui fortalesé e progreso i kresementu na Kòrsou. E reunion a tuma lugá den un atmosfera ameno, ku rèspèt mutuo i bon entendimentu