KUERPO POLISIAL KÒRSOU 

KOMUNIKADO DI PRENSA

180/2026

15 yüni 2026 

Tres detenshon relashoná ku kaso di ladronisia i maltrato  

Djadumingu 14 di yüni 2026 alrededor di 11.15’or, Sentral di Polis a risibí informashon di un  kaso di bringamentu na un hòfi den área di De Savaan. 

Mesora a dirigí polis na e sitio i e promé unidat ku a yega a topa ku un hòmber maltratá. Kontinuando ku e investigashon a sali na kla ku doño di e hòfi un ratu promé a sorprendé  dos hòmber sospechoso nèt na momento ku nan tabata hòrta su karnenan. 

Un di e sospechosonan a logra hui for di e sitio. 

Despues a surgí un bringamentu i debí na esaki e sospechoso a risibí un fraktura na altura di  su wowo. 

Ku ambulans a transportá e sospechoso pa C.M.C. pa tratamentu médiko avansá. Despues di tratamentu médiko a detené e hòmber C.S.S. di 47 aña di edat nasé na  Korsou, relashoná ku e kaso ariba menshoná. 

Tambe polis a detené doño di hòfi, e homber S.M.A.P. di 52 aña di edat nasé na Kòrsou,  relashoná ku e kaso ariba menshoná.  

Mas lat suidadanonan a bin entregá e di dos sospechoso, e hòmber J.M.M. di 62 aña di  edat nasé na Kòrsou, na warda di reshèrshi. 

A presentá tur tres sospechosonan dilanti di un fiskal ouksliliar ku a ordená nan  enkarselamentu pendiente di mas investigashon.