Parlamento di Kòrsou Djaluna, 15 di yüni 2026, Komishon Temporal di Alohamento pa Parlamento a reuní ku stakeholders enkuanto e progreso di e proyekto di renobashon di e edifisio di Korte.

E reunion a kuminsá ku un presentashon di representantenan di Korte Komun di Hustisia, kaminda a duna un aktualisashon riba e estado di e trabounan di renobashon i planifikashon di e siguiente fasenan.

Despues di e presentashon, Miembronan di Komishon a haña oportunidat pa hasi preguntanan i interkambiá punto di bista tokante e desaroyonan relashoná ku e edifisio.