KUERPO POLISIAL KÒRSOU 

KOMUNIKADO DI PRENSA

188/2026 

22 yüni 2026 

Tres detenshon relashoná ku intento di asesinato i maltrato 

Djadumingu 21 di yüni 2026, alrededor di 22.30’or, Sentral di Polis a dirigí un  unidat den área di Kanga pa un kaso di tiramentu i maltrato. 

Na yegada di e unidat el a komprondé ku un ratu promé tabatin un problema  entre famia. 

Despues a surgí un bringamentu ku a terminá den tiramentu i un persona a  resultá heridá ku tirunan for di un arma di kandela. 

A pidi presensia di ambulans na e sitio ku a transportá e víktima ku urgensia pa  Sala di Emergensia di C.M.C. 

Despues di investigashon a detené e damanan J.M.S. di 26 aña di edat nasé  na Repúblika Dominicana i Y.P.C.R. di 36 aña di edat nasé na Colombia,  relashoná ku maltrato. 

Nan detenshon a tuma lugá na un instansia médiko den Otrobanda. Djaluna 22 di yüni 2026 alrededor di 01.30’or na un kas den área di  Bequiaweg, polis a detené e hòmber D.C.J. di 29 aña di edat nasé na Kòrsou,  relashoná ku intento di asesinato i violashon di lei di arma di kandela. Personal di reshèrshi ta investigando e kaso aki.  

A presentá tur e tres sospechosonan dilanti di un fiskal ouksiliar, ku a ordená  nan enkarselamentu pendiente di mas investigashon.