Parlamento ta trata e ley pa crea e Fondo General di Inversion y Desaroyo (AIOF), un compromiso concreto cu Gobierno AVP-FUTURO a presenta na su Programa di Gobernacion.

Prome Minister Mike Eman y Minister di Finansa Geoffrey Wever ta presente den Parlamento pa sostene un instrumento cu ta mira mas leu cu e siguiente presupuesto. E Fondo General di Inversion y Desaroyo (AIOF) ta crea e posibilidad pa inverti den loke realmente ta conta pa nos pueblo: vivienda, infrastructura moderno, innovacion, siguridad energetico y varios oportunidad economico pa futuro.

Cu e iniciativa aki, Gobierno ta busca crea un vision di largo plaso unda inversion strategico ta contribui na bienestar, calidad di bida y desaroyo sostenibel di Aruba.