KUERPO POLISIAL KÒRSOU 

KOMUNIKADO DI PRENSA 192/2026 

26 yüni 2026 

Detenshon relashoná ku maltrato i destrukshon 

Djaweps 25 di yüni 2026 alrededor di 23.11’or, Sentral di polis a dirigí un unidat  polisial den área di Palu Blanku pa un kaso di violensia relashonal, maltrato i  destrukshon. 

For di investigashon ku polis a hasi na e sitio a sali na kla ku un dama a sorprendé su  pareha den e área ariba menshoná. 

Na e momentu ei e dama a kore a dal varios biaha ku su outo den vehíkulo di e  hòmber. 

Despues e hòmber a baha for di su vehíkulo i a start un diskushon ku e dama. Durante di e diskushon, e dama a maltrat’é.  

Na e sitio polis a detené e dama Y.L.R.R. di 28 aña di edat nasé na Repúblika  Dominicana, relashoná ku e kaso di maltrato i destrukshon ariba menshoná. 

A presentá e sospechoso dilanti di un fiskal ouksiliar ku a ordená su enkarselamentu  pendiente di mas investigashon.