Aksidente di tráfiko ku morto
KUERPO POLISIAL KÒRSOU
KOMUNIKADO DI PRENSA
195/2026
29 yüni 2026
Aksidente di tráfiko ku morto
Djadumingu 28 di yüni 2026 alrededor di 20.35’or, Sentral di Polis a risibí informashon ku un aksidente a tuma lugá riba F.D. Rooseveltweg, kaminda outo a alkansá un persona na pia.
Na yegada di e unidat, ela topa un hòmber drumí abou den kondishon krítiko ku sla na su kurpa.
A pidi presensia di ambulans ku a yega rápidamente na e sitio.
For di investigashon preliminar a sali na kla, ku un outo a alkansá e víktima ku tabata na pia i debí na e impakto e hòmber a bai resultá kontra di un otro vehíkulo ku tambe tabata koriendo riba e kaminda ei.
Na yegada di personal di ambulans, no por a hasi nada mas pa e víktima. Dòkter di polis a konstatá morto di e hòmber di nashonalidat Colombiano.
Departamentu di tráfiko ta enkargá ku mas investigashon.

