Dispensashon temporal pa transporte ku vehíkulo turístiko (‘toerwagen’)

Willemstad – Servisio pa Tráfiko i Transporte (UOVV) ta introdusí un dispensashon temporal den transporte ku vehíkulo turistiko, esta e asina yamá ‘toerwagen’. E regulashon aki ta destiná pa garantisá kapasidat sufisiente durante periodonan di hopi aktividat turístiko.

Solamente operadornan ku por demostrá ku nan ta traha di forma profeshonal i konforme e kondishonnan legal por keda konsiderá.

Pa apliká pa un dispensashon temporal, empresarionan mester tin entre otro:

• Un registrashon válido na Kámara di Komèrsio (KvK);

• Un plan di negoshi (‘businessplan’) ku ta deskribí e operashon di e kompania i e servisio ku ta wòrdú ofresé;

• Un plan di aktividat ku ta kontené informashon tokante e aktividatnan di transporte turístiko;

• Un vehíkulo adekuá pa transporte turístiko ku 10 luga di sinta mínimo;

• Un vehíkulo ku tur dokumentonan nesesario i bálido, inkluso inspekshon, seguro i otro dokumentonan obligatorio.

E dispensashon temporal tin un durashon máksimo 6 luna, i no por transferí esaki na otro un persona òf kompania. Minister di VVRP por kita e eksonerashon ora ku e kompania no ta kumpli ku e kondishonnan òf ora ku tin violashon. Despues di kada 6 luna lo tin un evaluashon pa mehorá e implementashon i e regulashonnan den futuro.

Ku e maneho aki, Gobièrnu ta deseá na redusí transporte ilegal, mehorá kòntròl den e sektor, kontribuí na un produkto turístiko mas fuerte i konfiabel pa Kòrsou.

Mas informashon:

Pa mas informashon tokante e dispensashon  temporal pa transporte ku vehíkulo turístiko, interesadonan por tuma kontakto ku UOVV via:

E-mail: tp.uovv@gobiernu.cw

WhatsApp: +5999 5278244