Por para personanan cu boet habri na frontera te cu nan paga e suma cu nan debe.

Na momento cu un persona pasa den control na airport, e funcionario por wak den computer cu e tin un señal poni bandi su nomber, loke ta indica cu e debe boet.

Den es caso, lo para e persona y no por sigui te cu e paga su debe.

Esaki por tin como consecuencia cu e ta perde su vuelo, cu e ta hay’e inesperadamente den gasto of cu su presupuesto di vakantie ta keda afecta… sin papia mes di e stress y desilusion cu e situacion aki lo causa.

Ministerio Publico ta conseha biaheronan pa controla di antemano prome cu nan biahe si nan tin debe di boet y pa bin paga.

Si bo persona no ta sigur sigur, por manda un email na: info@omaruba.aw

No lubida pa menciona bo nomber completo.

Cuidadanonan por paga na caha di Ministerio Publico.

No tin necesidad pa haci cita: simplemente yega.

Ministerio Publico ta habri dialuna, diamars, diaranson y diahuebs di 8.00 pa 11.30 di mainta y di 1.00 pa 3.30 di atardi.

Cu excepcion di diabierna, pasobra diabierna Minissterio Publico ta habri mainta so

Por paga cash y online (via cuenta di banco 4000905 na Aruba Bank).