KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

GOBIERNU

Parlamento di Kòrsou: Ora di pregunta (vragenuur) den Parlamento rdi Kòrsou.

Parlamento di Kòrsou

Ora di pregunta (vragenuur) den Parlamento rdi Kòrsou.
Djaweps, 9 di yüli 2026, a tuma lugá tres diferente Ora di Pregunta den sala di Parlamento di Kòrsou, kaminda diferente mandatario a presentá pa kontestá i duna informashon riba e tópikonan ku a keda poné riba agènda.
E dia a kuminsá ku e tópikonan “CMC ta jegando na su límite di funshonamentu i kiko ta su balor pa Karibe Hulandes?” i “Medidanan kontra robo di bestia i protekshon di agrikultor i kriadónan di bestia na Kòrsou”. Minister di Salubridat Públiko, Medio Ambiente i Naturalesa, sr. Tyron Boekhoudt huntu ku di Minister di Hustisia suplente, sr. Gilmar Pisas, a kontestá e preguntanan formulá dor di e Miembronan di Parlamento, sr. Shaheen Elhage i sr. Juniël Carolina.
Siguidamente, Minister Presidente, sr. Gilmar Pisas, a kontestá preguntanan relashoná ku e tópikonan “Supuesto deklarashon di Minister Presidente den prensa” i “E situashon despues di e di dos temblor fuerte na Venezuela”. E petishonnan aki a keda hasí dor di Miembro di Parlamento, sra. Suzy. Camelia-Römer.
Pa klousurá e dia, Minister di Tráfiko, Transporte i Planifikashon Urbano, sr. Charles Cooper, a presentá den sala pa kontestá preguntanan riba e tópiko “Posibel efektonan inmediato riba seguridat, salubridati bienestar di e hürdonan di e kasnan di pueblo”. E enkuentro final aki a keda pidi dor di Miembro di Parlamento, sr. Quincy Girigorie.
Durante kada un di e tres enkuentronan aki, despues di e promé buelta di kontesta di e respektivo mandatarionan, Presidente di Parlamento a duna oportunidat na e Miembronan di Parlamento presente pa hasi pregunta adishonal riba e tópikonan menshoná. Na final di kada seshon di kontesta, Presidente di Parlamento a sera e respektivo enkuentronan.
639114718427035"
639114718427035"