KUERPO POLISIAL KÒRSOU 

KOMUNIKADO DI PRENSA

223/2026

16 yüli 2026 

Porta di negoshi ta kai riba menor di edat 

Djárason 15 di yüli 2026 alrededor di 11.14’or, Sentral di Polis a risibí informashon di un  aksidente ku a tuma lugá na un pakus den Breedestraat (P), kaminda ku un porta di  glas a kai riba un menor di edat. 

Mesora a dirigí un unidat di Punda i Politur na e sitio. 

Na nan yegada, nan a topa un mucha di 3 aña di edat ku herida na man i pia i un kap  profundo na su frenta. 

For di deklarashon di personanan ku a tuma nota di loke a pasa, polis a komprondé ku  di un manera aksidental, e skarnir di e porta di glas di e pakus a sali fo’i lugá i kai riba e  kriatura ku tabata para einan. 

Ku ambulans a transportá e hobensita turista pa Sala di Emergensia di C.M.C. pa  tratamentu médiko. 

Inspekshon di Seguridat ta enkargá ku e investigashon, mientras ku Politur ta sigui ku  guia i apoyo di e famia.