KUERPO POLISIAL KÒRSOU 

KOMUNIKADO DI PRENSA

232/2026

22 yüli 2026 

Detenshon relashoná ku ladronisia di outo 

Kontinuando ku investigashon relashoná ku un kaso di ladronisia di outo ku a  tuma lugá den Telamonstraat, djárason 22 di yüli 2026 alrededor di 05.00’or, e tim ku ta investigá ladronisia di outo a hasi tres (3) detenshon. 

E personal di reshèrshi a tene kuater (4) entrada hudisial den Kaya Sakado,  Kaya Chi ku Cha, Sudetenweg i Piscaderaweg. 

Na Sudetenweg a detené e hòmber L.D.S. di 19 aña di edat. 

Na Kaya Chi ku Cha a tuma lugá detenshon di e hòmber R.R.E. di 16 aña di  edat.  

E hòmber M.M.L. di 17 aña di edat na a keda enkontrá durante di e  entradanan hudisial, pero despues a keda entregá dor di su tata na warda di  reshèrshi. 

Tur e tres sospechosonan ta nasé na Kòrsou. 

A presentá nan dilanti di un fiskal ouksiliar ku a ordená nan enkarselamentu  pendiente di mas investigashon.