KUERPO POLISIAL KÒRSOU 

 

KOMUNIKADO DI PRENSA 234/2026 

28 yüli 2026 

Detenshon pa maltrato 

Djamars 28 di yüli 2026 alrededor di 02.51’or, Sentral di Polis a dirigí un  unidat di warda di polis di Otrobanda na altura di un establesimentu riba  Helmin Magno Wiels Boulevard, pa un kaso di maltrato. 

For di investigashon a sali na kla, ku tabatin un diskushon entre un hòmber i  un agente polisial na e sitio. 

Despues di e diskushon a start un bringamentu entre nan dos. 

Na e sitio polis a topa e hòmber sospechoso I.G.R. di 43 aña di edat nasé na  Kòrsou, i a detené pa maltrato i menasa. 

A presentá e sospechoso dilanti di un fiskal ouksiliar ku a ordená su  enkarselamentu pendiente di mas investigashon.