KUERPO POLISIAL KÒRSOU 

KOMUNIKADO DI PRENSA

245/2026

3 ougùstùs 2026 

Plan Operashonal ‘Satis est’ a start 

Djaluna 3 di ougùstùs 2026, e Plan Operashonal ‘Satis est’ ku ta nifiká ‘Ta Basta’ na Latin, a  kuminsá. 

E plan aki ta enserá vigilansianan preventivo den prinsipalmente áreanan i sitionan vulnerabel i/o problemátiko, pero tambe kontròlnan dirigí manera riba trfiko, poseshon di  arma ilegal, droga i otro aktividatnan kriminal. 

Durante di un periodo, un kantidat di unidat èkstra lo ta visibel den kaya, pa asina entre  otro halsa e seguridat den nos komunidat. 

Ounke sifranan di e promé mitar di aña ta indiká ku diferente aktividatnan kriminal a baha,  tin un tendensia di oumento di krímennan manera ladronisia di (piesa di) outo, kiebro den  outo i kiebro den kas i negoshi. 

No opstante ku ya kaba hopi esfuerso a keda hasí na invershon den kapasidat riba tantu e  área di prevenshon komo di investigashon, Kuerpo Polisial ta sigui komprometé su mes pa  restablesé òrdu, trankilidat i seguridat riba nos isla. 

E unidatnan èkstra aki lo ta aktivo tantu durante di oranan di dia komo di anochi. No opstante ku ta trata na evitá inkumbiniensia mas tantu posibel, lo tin momentunan ku  nos lo ke konta ku abo komo siudadano su indulgensia, pa nos por hasi nos trabou. Pasobra  ta pa bo nos ta hasi’é. 

Finalmente nos ke pidi bo pa sigui nos tepnan di prevenshon i asina yuda nos yuda bo na  protehá bo mes i bo propiedat mihó.