Ta pidi residentenan di Aruba di nacionalidad Hulandes cu actualmente ta na e areanan afecta pa e temblor na Colombia, pa registra na servicio di informacion di Ministerio di Asuntonan Exterior.
Ta pidi residentenan di Aruba di nacionalidad Hulandes cu actualmente ta na e areanan afecta pa e temblor na Colombia, pa registra na servicio di informacion di Ministerio di Asuntonan Exterior.
ORANJESTAD – Manera ta conoci, riba dialuna 10 di augustus 2026 a keda registra un temblor na Choco, den e parti west di Colombia y cu tambe a afecta ciudadnan manera Manizales, Pereira y Cali.
En conexion cu esaki ta haci un peticion na e residentenan di Aruba di nacionalidad Hulandes cu actualmente ta na e zonanan afecta pa e temblor, pa registra mesora na servicio di informacion di Ministerio di Asuntonan Exterior pa asina por brinda asistencia den caso di necesidad.
Registracion por tuma lugar: via https://informatieservice.nederlandwereldwijd.nl
Tambe por comunica na telefon +31 247 247 247 of via WhatsApp +31 857 737 400.
Departamento di Relacionnan Exterior Aruba ta enfatisa e importancia di keda alerta, bon
informa y sigui estrictamente e consehonan di biahe oficial via e website di Ministerio di
Asuntonan Exterior di Reino Hulandes: www.nederlandwereldwijd.nl/reisadvies.
