CBF ta sera temporada regular di CNC AA “en grande”

CBF ta sera temporada regular di CNC AA “en grande”

Federashon di Beisbòl di Kòrsou (CBF) ta anunsiá ku e temporada regular di CNC AA ta yegando final, ku un fin di siman yen di beisbòl, músika i ambiente na Tio Daou Ballpark.

 

E djadumingu akí, 16 di ougùstùs, Grupo Sorpresa lo trese su músika na Tio Daou Ballpark, for di 6’or di atardi. Un anochi úniko kaminda beisbòl i músika ta bai man den man.

 

E último wega di temporada regular ta djamars 18 di ougùstùs.

 

Djasabra 22 di ougùstùs e semifinalnan ta kuminsá:

 

• Semifinal 1: Santa Maria Pirates kontra Santa Rosa Indians
• Semifinal 2: Royal Scorpions kontra Wildcats

 

Tur dos series lo wòrdu hungá den un formato di best of 7: e promé ekipo ku gana 4 wega ta avansá pa e gran final.

 

CBF ta invitá tur fanátiko di beisbòl i tur hende ku ke disfruta di bon ambiente i bon beisbol pa bin Tio Daou Ballpark i selebrá huntu ku nos. Bin gosa di bon beisbòl, bon músika i un ambiente inolvidabel!

 

Federashon di Beisbòl di Kòrsou (CBF)