Kaso di hinkamentu ku detenshon
KUERPO POLISIAL KÒRSOU
KOMUNIKADO DI PRENSA
256/2026
15 ougùstùs 2026
Kaso di hinkamentu ku detenshon
Djasabra 15 di ougùstùs 2026 alrededor di 00.05’or, Sentral di Polis a risibí informashon di un kaso di hinkamentu ku a tuma lugá na un adrès den Sombreroweg.
Mesora a dirigí un unidat na e sitio.
Na su yegada un hòmber a indiká na polis ku un otro hòmber a hinka su pareha ku un opheto skèrpi i tabata tratando na hib’é hospital.
Polis a blòkia e vehíkulo mesora den kua e sospechoso i e víktima tabata i a hasi detenshon di e hòmber sospechoso A.E.T. di 49 aña di edat nasé na Colombia ku tabata tur na sanger.
Riba e stul patras di e outo, e dama víktima tabata sintá for di su
konosementu.
A pidi presensia di ambulans, ku a transportá e dama ku urgensia pa Sala di Emergensia di C.M.C.
A presentá e sospechoso dilanti di un fiskal ouksiliar, ku a ordená su enkarselamentu pendiente di mas investigashon.

